మట్టి వినాయక ప్రతిమలతోనే పర్యావరణ పరిరక్షణ: గ్రీన్ ఎర్త్ సొసైటీ
Mana Mahati News - తెలంగాణ / భద్రాద్రి కొత్తగూడెం : పాల్వంచ: పర్యావరణ పరిరక్షణే ధ్యేయంగా గ్రీన్ ఎర్త్ సొసైటీ ఆధ్వర్యంలో ఆదివారం స్థానిక భజన మందిరం రోడ్డులో మట్టి వినాయక ప్రతిమలు, మొక్కలను ఉచితంగా పంపిణీ చేశారు. ఈ సందర్భంగా సొసైటీ ప్రతినిధి రమేష్ రాథోడ్, అధ్యక్షుడు బాలినేని సత్యనారాయణ మాట్లాడుతూ.. పాల్వంచలో పారిశ్రామిక కాలుష్యం పెరుగుతున్న దృష్ట్యా ప్లాస్టర్ ఆఫ్ పారిస్ (పీవోపీ) విగ్రహాలు, తీవ్ర శబ్దాలు చేసే డీజేలను పూర్తిగా నివారించాలని కోరారు. సామాజిక బాధ్యతతో 2012 నుంచి నిరంతరాయంగా మట్టి విగ్రహాలను, మొక్కలను పంపిణీ చేస్తున్నట్లు తెలిపారు.అనంతరం ఆలయ ప్రాంగణంలో 'ఇంగ్లాండ్ బుక్ ఆఫ్ రికార్డ్స్' గ్రహీత వండర్ కిడ్ విశ్వమిత్ర చౌహన్, సత్యనారాయణ కలిసి కదంబం మొక్కను నాటారు.ఈ కార్యక్రమంలో జేఏసీ చైర్మన్ వీరు నాయక్, కార్పొరేటర్ చెరుకు భాగ్యలక్ష్మి, పసుమర్తి రాము, ఎడ్లపల్లి శ్రీనివాస్, అనిల్, రవి, జయరాం, బాలు నాయక్, వెంకట్, దుర్గాప్రసాద్, పట్టాభి రామారావు, వీరభద్రం, కుమార్ తదితరులు పాల్గొన్నారు.
Admin
Mana Mahati News
మరిన్ని వార్తలు
Developed By :
