*రోడ్డు భద్రతే కుటుంబ భవిష్యత్ ఈస్ట్ జోన్ డీసీపీ అంకిత్ నర్సంపేటలో జాతీయ రోడ్డు భద్రత మాసోత్సవాల్లో డఫోడిల్స్ పాఠశాల సంపూర్ణ మద్దతు విద్యతో పాటు విలు
Mana Mahati News - తెలంగాణ / Mana mahati news : రోడ్డు భద్రతే కుటుంబ భవిష్యత్ ఈస్ట్ జోన్ డీసీపీ అంకిత్ నర్సంపేటలో జాతీయ రోడ్డు భద్రత మాసోత్సవాల్లో డఫోడిల్స్ పాఠశాల సంపూర్ణ మద్దతు విద్యతో పాటు విలువలు, బాధ్యతలను నేర్పడమే డఫోడిల్స్ లక్ష్యం - డఫోడిల్స్ పాఠశాల చైర్మన్ చింతల నరేందర్ నర్సంపేట : రోడ్డు భద్రత పాటిస్తేనే కుటుంబ భవిష్యత్ సురక్షితంగా ఉంటుందని ఈస్ట్ జోన్ డీసీపీ అంకిత్ కుమార్ అన్నారు . జాతీయ రోడ్డు భద్రత మాసోత్సవాల సందర్భంగా గురువారం నర్సంపేట పట్టణ కేంద్రంలో నర్సంపేట పోలీస్ శాఖ ఆధ్వర్యంలో నిర్వహించిన అవగాహన కార్యక్రమం లో ఈస్ట్ జోన్ డీసీపీ అంకిత్ కుమార్ ముఖ్య అతిథిగా పాల్గొన్నారు.హెల్మెట్ లేకపోతే రైడ్ కాదు… సీటు బెల్ట్ లేకపోతే డ్రైవ్ కాదు అనే నినాదాలతో నిర్వహించిన బైక్ ర్యాలీలో డఫోడిల్స్ పాఠశాల చైర్మన్ చింతల నరేందర్ ఆధ్వర్యంలో ఉపాధ్యాయ బృందం, సిబ్బంది పెద్ద ఎత్తున పాల్గొని కార్యక్రమానికి సంపూర్ణ మద్దతు తెలిపారు.ఈ సందర్భంగా బైక్ ర్యాలీని ప్రారంభించిన డీసీపీ అంకిత్ కుమార్, హెల్మెట్ ధరించిన ద్విచక్ర వాహనదారులకు, సీట్ బెల్ట్ వినియోగించిన నాలుగు చక్రాల వాహనదారులకు గులాబీ పువ్వులు అందజేస్తూ అభినందిస్తూ డీసీపీ అంకిత్ కుమార్ మాట్లాడుతూ…రోడ్డు భద్రత ప్రతి ఒక్కరి వ్యక్తిగత బాధ్యత. ద్విచక్ర వాహనదారులు తప్పనిసరిగా హెల్మెట్ ధరించాలి. నాలుగు చక్రాల వాహనాల్లో సీట్ బెల్ట్ వినియోగం తప్పనిసరి. చిన్న నిర్లక్ష్యం కూడా ప్రాణాపాయానికి దారి తీస్తుంది. ట్రాఫిక్ నిబంధనలు పాటిస్తేనే రోడ్డు ప్రమాదాలను గణనీయంగా తగ్గించవచ్చు అని అన్నారు.అనంతరం డఫోడిల్స్ పాఠశాల చైర్మన్ చింతల నరేందర్ మాట్లాడుతూ…రోడ్డు భద్రత ఒక రోజు కార్యక్రమం కాదు… ఇది జీవితాంతం పాటించాల్సిన బాధ్యత. అందుకే మా డఫోడిల్స్ పాఠశాలలో విద్యార్థులతో పాటు తల్లిదండ్రులకు కూడా ప్రత్యేక అవగాహన సదస్సులు నిర్వహిస్తున్నాం. చిన్న వయసులోనే ట్రాఫిక్ నియమాలు అలవాటు చేస్తే సమాజంలో తప్పకుండా మార్పు వస్తుంది. విద్యతో పాటు విలువలు, బాధ్యతలను నేర్పడమే డఫోడిల్స్ లక్ష్యం అని భవిష్యత్తులో కూడా రోడ్డు భద్రత వంటి సామాజిక కార్యక్రమాల్లో డఫోడిల్స్ పాఠశాల ముందుండి పని చేస్తుందని అన్నారు.ఈ కార్యక్రమం లో సీఐ రఘపతి రెడ్డి, అరుణ్ కుమార్, పోలీస్ శాఖ, డఫోడిల్స్ పాఠశాల సెక్రటరీ సాయి కీర్తన రోహిత్ ,డీన్ ఇందుమతి,ప్రధానోపాద్యాయులు అజీముద్దీన్, ఉప ప్రధానోపాధ్యాయులు సి.హెచ్ రీటా, ఉపాధ్యాయ బృందం, సిబ్బంది తదితరులు పాల్గొన్నారు.
Admin
Mana Mahati News
మరిన్ని వార్తలు
Developed By :
