సంపూర్ణ అక్షరాస్యతకు ప్రతి పౌరుడు కృషి చేయాలి – ఉల్లాస్‌ నవభారత సాక్షరత రిసోర్స్‌ పర్సన్‌, కూనవరం ప్రాథమికోన్నత పాఠశాల ప్రధానోపాధ్యాయుడు డాక్టర్ షేక్
Mana Mahati News - తెలంగాణ / భద్రాద్రి కొత్తగూడెం : తెలంగాణ రాష్ట్రం వంద శాతం అక్షరాస్యత సాధించేందుకు ప్రతి పౌరుడు కృషి చేయాలని ఉల్లాస్‌ నవభారత సాక్షరత రిసోర్స్‌ పర్సన్‌, కూనవరం ప్రాథమికోన్నత పాఠశాల ప్రధానోపాధ్యాయుడు డాక్టర్ షేక్ మీరా హుస్సేన్ అన్నారు.కూనవరం గ్రామపంచాయతీ పరిధిలోని ప్రాథమికోన్నత పాఠశాలలో ఉల్లాస్‌ నవభారత సాక్షరత కార్యక్రమంలో భాగంగా వయోజన అభ్యాసకులకు నిర్వహించిన మూల్యాంకన పరీక్ష కార్యక్రమంలో ఆయన మాట్లాడారు.చదువు జీవితానికి వెలుగునిచ్చే వెన్నెల వంటిదని,చదువుకు వయస్సు అడ్డంకి కాదని అన్నారు.సమాజ అభివృద్ధికి అక్షరాస్యత ఎంతో దోహదపడుతుందని,ప్రతి మనిషికి అక్షరం జ్ఞాన కిరణమని పేర్కొన్నారు. సమాజంలోని అనేక రుగ్మతలకు చదువు పరిష్కారం చూపుతుందని తెలిపారు.ఉల్లాస్‌ కార్యక్రమంలో వయోజనులు ఆసక్తితో చదివి అక్షరాస్యులు కావాలని సూచించారు. నిరక్షరాస్యులైన వయోజనులను అక్షరాస్యులుగా తీర్చిదిద్దేందుకు జాతీయ సార్వత్రిక విద్యాలయ సంస్థ ఆధ్వర్యంలో ఉల్లాస్‌ కార్యక్రమం కొనసాగుతోందన్నారు.వయోజనులకు బోధిస్తున్న స్వచ్ఛంద ఉపాధ్యాయులకు బోధనా మెలకువలను రిసోర్స్‌ పర్సన్‌లుగా అందిస్తున్నామని తెలిపారు.త్వరలోనే తెలంగాణ రాష్ట్రం సంపూర్ణ అక్షరాస్యత సాధించాలని ఆకాంక్షించారు. కార్యక్రమంలో కూనవరం గ్రామ సర్పంచ్ ఎన్నిక శ్వేత, ఉపసర్పంచ్‌ మనోజ్‌కుమార్‌, అసిస్టెంట్‌ ప్రాజెక్టు మేనేజర్‌ సత్యనారాయణ, కోఆపరేటివ్‌ కోఆర్డినేటర్‌ మురళీకృష్ణ, ఎంఎస్‌ అధ్యక్షురాలు మౌనిక, వీవోఏలు ధనలక్ష్మి, మల్లీశ్వరి, ఆశా కార్యకర్త, ఇన్విజిలేటర్‌ పుల్లమ్మ, గ్రామ పెద్దలు, అభ్యాసకులు తదితరులు పాల్గొన్నారు.
Admin
Mana Mahati News
మరిన్ని వార్తలు
Developed By :
